මද්‍යසාර ගැන කුමක් කරමුද ?

Title: මද්‍යසාර ගැන කුමක් කරමුද ?

Year of publication: 2008

Author: මහාචාර්ය දියනාත් සමරසිංහ

Subject:  මද්‍යසාර

පටුන

මේ පොත පරිහරණය 01
මූලික කරුණු 03
සිතන්න අවශ්‍ය පැති කිහිපයක් 13
කි‍්‍රයාකාරිවීම සඳහා සැලසුමක් සකස් කිරීම 23

මේ පොත පරිහරණය

මේ පොත් පිංචෙන් බලාපොරොත්තු වන්නේ ජීවිත රසවත් බවින් හා සුවදායී බවින් වැඩි පැත්තට යොමු කරවීමට මද්‍යසාර සම්බන්ධව අප ගත යුතු කි‍්‍රයාමාර්ග සමහරක් ඉදිරිපත් කිරීමටයි. ඒ සඳහා අප සිතන පතන සහ හැසිරෙන ආකාර වෙනස් විය යුතුයි. එමෙන්ම අප ඇසුරු කරන කණ්ඩායම් ඇති කරන බලපෑම් ද සුව අතට හරවා ගත යුතුයි. ඒ වෙනස්කම් අතුරින් සමහරක් ගැනයි මෙහි කතා කරන්නේ.

අප ජීවිත සැපවත් කර ගැනීමට අදාළ පැති බොහොමයකි. අපගේත් අන් අයගේත් මද්‍යසාර භාවිතය මින් එකකි. මෙම සම්බන්ධය පිළිබඳ බුද්ධිමය විග‍්‍රහයකට වඩා මේ පොතෙහි සලකා බැලෙන්නේ අප ජීවිතයේ සතුට වැඩි කර ගැනීමට මද්‍යසාර පිළිබඳ ගත යුතු ප‍්‍රායෝගික පියවර ගැනයි.

ප‍්‍රායෝගික පියවර පදනම් රහිත නම් ඒවායින් වැඩි ප‍්‍රතිඵලයක් ලැබෙන්නේ නැත. මෙහි යෝජිත පියවර පදනම් වන්නේ මද්‍යසාර ගැන අවබෝධය වඩාත් පුළුල් හා නිවැරදි කරගැනීම මතයි. ඒ පිළිබඳ දැනුම ද පොතෙහි මුල් කොටසේ සැකෙවින් සලකා බැලෙනු ඇත. අප අවබෝධය කොතෙක් දියුණු වුවත් එය එදිනෙදා ජීවිතයට බලපෑමක් නොවෙයි නම් ඉන් ඇති ප‍්‍රයෝජනය අල්පය. එදිනෙදා ජීවිතයට ප‍්‍රායෝගිකව එකතු නොවන නැවුම් අවබෝධයන් වැඩි කලක් යාමට පෙර ක්ෂය වීම ද ස්වාභාවිකයි.

මෙහි අවසන් පරිච්ෙඡ්දය අවබෝධය කි‍්‍රයාවට නැංවීම පිළිබඳවයි. එහි යොමුව හාත්පසින්ම වෙනස්. අද පවතින තත්වයෙන් පටන්ගෙන ක‍්‍රමිකව ඉදිරියට යන ආකාරයටයි එහි ඇතුළත් වෙන්නේ. මෙම ඉදිරි ගමනට ඉලක්ක විය යුත්තේ අප ජීවත් වන ප‍්‍රජා අතර පවතින අවබෝධය සහ වෙනත් වෙනත් පිළිවෙත් රාශියකි. ප‍්‍රජාවක අවබෝධය දියුණු කිරීම පුද්ගලයෙකුගේ අවබෝධය දියුණු වනවාට හාත්පසින් වෙනස් මඟකින් ඉටු වන්නකි.

පිරිසක් ඉගෙන ගන්නා ක‍්‍රම ද අප උගත යුතුයි. එය හුදෙක් දැනුම බෙදා දීමෙන් ඉටු වන්නක් නොව, ප‍්‍රජාවක් කරන්නේ අලූත් දැනුම එලෙසින්ම පිළිගැනීම නොව, එය එය ප‍්‍රජාවේ දැනට පවතින විශ්වාස හා පිළිවෙත්වලට ගැළපෙන අයුරින් වෙනස් කිරීමෙන් අනතුරුව ග‍්‍රහණය කර ගැනීමයි. මෙහිදී අලූත් දැනුම හා අවබෝධය මෙන්ම ප‍්‍රජාවේ පැවති පිළිගැනීම් හා හැසිරීම් රටාවන් ද අනුවර්තනය වේ. මෙම අනුවර්තනයන් ද ගළපා ගනිමින් ඉදිරියට ගෙන යාම පොතෙහි දෙවන කොටසෙහි විස්තර වන්නේ පියවර මාලාවක් ලෙසයි.

අදාළ පිරිස හෝ ප‍්‍රජාව ඉදිරියට ගෙන යන්නේ හුදෙක් දැනුම බෙදා දීමෙන් නොව විවිධ කි‍්‍රයාකාරකම්වල යෙදවීමෙනි. අප හැසිරීම් හා පිළිවෙත් අලූත් වුවහොත් ඒ තුළින් අලූත් අවබෝධයක් ලබා ගැනීමට ද පුළුවන. එනිසා, කියවීමට වැඩි කැමැත්තක් නැති පුද්ගලයා අවසන් පරිච්ෙඡ්දයේ කි‍්‍රයාකාරකම් කොටසින් ඇරඹුව ද කම් නැත.

එහෙත් සැළකිය යුතු දියුණුවක් ඇති කිරීමට ආසා කරන පුද්ගලයා පළමුව මෙම පොතෙහි අඩංගු සියල්ල කියවා, කි‍්‍රයාකාරකම් පිළිබඳ පරිච්ෙඡ්දය නැවත ඇරඹිය යුතුය. කෙටි ලිඛිත වාර්තා තබා ගැනීම ද කි‍්‍රයාකාරකම් අතර යෝජනා වෙයි. එමගින් අප මැදිහත්වීම් හි ඵලදායීතාව බෙහෙවින් වැඩි කර ගැනීමට පුළුවන. සටහන් තබා ගැන්ම ප‍්‍රතිඵල බැලීමට රුකුලකි. නිරතුරුව ප‍්‍රතිඵල මැන බැලීම ප‍්‍රගතිය සහතික කරන්නකි.

මෙම පොතෙන් බලාපොරොත්තු ප‍්‍රගතීන් ප‍්‍රජාවක් සමග දිනාගැනීම අමාරු කටයුත්තක් නොවේ.එයට අදාළ කාර්යයන් පහසු මෙන්ම රසවත්ය. ඒ සඳහා විශාල කැපවීමක් හෝ පරිත්‍යාග කිරීමක් අවශ්‍යව නැත. එහෙත් අප ඵලදායීතාව වැඩි කර ගැනීමට නම් මීට ස්වල්පයක් අපහසු කටයුත්තකට ද එකතුවිය යුතුයි. එනම් මෙහි යෝජිත නිරන්තර මැන බැලීමත්, කෙටියෙන් හෝ වාර්තා තබා ගැනීමත්ය. ඒවා නොමැති වුවද ඉදිරියට යාමට පුළුවන. එවන් පහසු ගමනකින් වුව ද ප‍්‍රගතියක් ලැබෙනු ඇත. එහෙත් එමගින් ලැබෙන ප‍්‍රගතිය මඳ වීමටත් ප‍්‍රමාද විමටත් ඉඩ ඇති නිසා වාර්තා කරමින්, සොයා බලමින්, ඉදිරියට යාම වඩා සුදුසුය.

මූලික කරුණු

මද්‍යසාර භාවිතය අපේ සතුට මත විශාල බලපෑමක් ඇති කරයි. සමහර අය සතුටක් ලෙස අත්විඳින්නේ මද්‍යසාර භාවිත කරන අවස්ථා පමණයි. තවත් අය දකින්නේ මද්‍යසාරය ජීවිතවල සතුට අඩාල කරවන ප‍්‍රබල ම සාධකය ලෙසයි.

මේ මත දෙක අතරයි බහුතරය සිටින්නේ. ඒ අයගේ කෝණයෙන් බැලූ විට ජීවිතවල සතුට වැඩි කිරීමට ගත යුතු පියවර දෙආකාරයකින් වෙයි. භාවිතයෙන් සතුටක් ලබනවාය කියන අයගේ මද්‍යසාර භාවිතය ප‍්‍රශ්ස්ත ම තත්වයට ගෙන ඒම එකකි. හානිය හඳුනාගෙන එය අවම කිරීමට පියවර ගැනීම තවෙකකි. මේ අංශ එකක් අනෙකෙන් වෙන්ව සැලකිල්ලට ගත නොහැක.
කවර පිවිසුමකින් වුවද, අදාළ කටයුතු නිවැරදි ස්වරයේ පිහිටිය යුතුය. භාවිතයට තදින් බැඳුණු අය පමණක් හෝ එයට තදින් විරුද්ධ අය පමණක් හෝ අනුමත කරන ස්වරය වැරදි ස්වරයයි. නිවැරදි පිවිසුම බහුතරයක් ඒකරාශී කරගන්නක් විය යුතු සේම, සැහැල්ලූ හා පහසු වූවක් ද විය යුතුයි.